Erasmus+ საერთაშორისო კრედიტული მობილობის KA171 აქტივობის ფარგლებში, „ევროპის უნივერსიტეტი“ ადამიანის უფლებებისა და საკონსტიტუციო სამართლის მეცნიერ-ექსპერტს, პროფესორ იერნეი ლეტნარ ჩერნიჩს მასპინძლობს, რომელიც 6 ივნისს, 12:00 საათზე, საჯარო ლექციას გამართავს თემაზე - „ევროპის ადამიანის უფლებათა სასამართლოს პრაქტიკაში მონობის და იძულებითი შრომის აკრძალვა".

ამის შესახებ ინფორმაციას ევროპის უივერსიტეტი ავრცელებს.

უნივერსიტეტის ცნობით, პროფესორი იერნეი ლეტნარ ჩერნიჩი ადამიანის უფლებებისა და საკონსტიტუციო სამართლის მეცნიერ-ექსპერტია. მას 20 წელზე მეტი გამოცდილება აქვს აკადემიურ საქმიანობაში.

მისი კვლევითი ინტერესები მოიცავს ისეთ მნიშვნელოვან დარგებს, როგორებიცაა: ადამიანის უფლებები, საკონსტიტუციო სამართალი, საჯარო საერთაშორისო და ადმინისტრაციული სამართალი და ბიზნესი.

ლექცია ღიაა "ევროპის უნივერსიტეტის" სტუდენტებისთვის და აკადემიური და ადმინისტრაციული პერსონალისთვის.

დასწრების მსურველებმა გთხოვთ, შეავსოთ სარეგისტრაციო ფორმა არაუგვიანეს 5 ივნისისა: https://forms.gle/9eHn8YMPmcNZDAeZ7