რუსებმა ხარკოვს რაკეტებით და დრონებით დაარტყეს, დაშავებულია 17 ადამიანი
რუსეთის არმიამ წუხელ ხარკოვის ერთ-ერთ რაიონზე სარაკეტო დარტყმა და საცხოვრებელ მაღალსართულიან კორპუსებზე დრონებით შეტევა განახორციელა, არიან დაშავებულები, - ინფორმაციას უკრაინული მედია ავრცელებს.
„ღამის შეტევა ხარკოვზე. მტრის ექვსი დარტყმა, რომელთაგან ორი პირდაპირი დარტყმა საცხოვრებელ შენობებზე განხორციელდა. ერთ-ერთ ბინაში ნამსხვრევებმა კედლები გახვრიტეს. "შაჰედის" ძრავის ნაწილი დერეფანში აღმოჩნდა. იმ მომენტში მეპატრონეები სახლში იყვნენ - ისინი მხოლოდ იმიტომ გადაარჩინეს, რომ სხვა ოთახში ეძინათ“, - განაცხადა ხარკოვის მერმა, იგორ ტერეხოვმა.
ხარკოვის საოლქო-სამხედრო ადმინისტრაციის ხელმძღვანელის, ოლეგ სინეგუბოვის ინფორმაციით, ამ დროისთვის არსებული მონაცემებით, დაშავებულია 17 ადამიანი, მათ შორის ორი ბავშვი.
