რუსთაველის გამზირზე საპროტესტო აქცია მიმდინარეობს. უწყვეტი პროტესტის 191-ე დღეს, აქციის მონაწილეებმა პარლამენტის წინ გზა გადაკეტეს. მანამდე სტუდენტები ადმინისტრაციულ პატიმრობაში მყოფი აქტივისტების თათია აფრიამაშვილისა და ლიკა ლორთქიფანიძის მხარდასაჭერად პარლამენტის უკანა შესასვლელთან შეიკრიბნენ. ნაწილმა შემდეგ რუსთაველის თეატრის მიმდებარე ტერიტორიაზე გადაინაცვლა, სადაც გზა გადაკეტეს და ბანერი „თავისუფლება სტუდენტებს” გაშალეს.

ამის შემდეგ აქციის მონაწილეებმა პარლამენტის წინ გადაინაცვლეს, სადაც კვლავ გაშალეს ბანერი: „თავისუფლება სტუდენტებს“ და გზა გადაკეტეს.