მოსკოვი და ვაშინგტონს შორის ორმხრივი საკითხების განსახილველად კონსულტაციების მესამე რაუნდი ძალიან მალე გაიმართება, - ამის შესახებ რუსეთის საგარეო საქმეთა მინისტრის მოადგილემ, სერგეი რიაბკოვმა ჟურნალისტებს განუცხადა.

მისი თქმით, არსებობს შედარებით რთული და შედარებით მარტივი საკითხები, თუმცა, აშშ-თან დაკავშირებით პრინციპში მარტივი საკითხები არ არსებობს.

„გაღიზიანების გამომწვევ საკითხებზე ორმხრივი კონსულტაციების მესამე რაუნდი ახლოვდება. კონკრეტულ თარიღზე საუბარი ჯერ ნაადრევია, მაგრამ იმედი მაქვს, რომ ეს რაუნდი ძალიან მალე გაიმართება. არსებობს საკითხების მთელი კომპლექსი, ზოგიერთი უფრო რთული და ზოგი - უფრო მარტივი, თუმცა აშშ-სთან დაკავშირებით მარტივი საკითხები, პრინციპში, არ არსებობს“, - აღნიშნა რიაბკოვმა.