რუსეთის საჰაერო თავდაცვის სისტემებმა 52 უკრაინული დრონი ჩამოაგდეს, - ინფორმაციას რუსული მედია ქვეყნის თავდაცვის სამინისტროზე დაყრდნობით ავრცელებს.

„21:00 საათიდან 04:00 საათამდე პერიოდში, მორიგე საჰაერო თავდაცვის სისტემებმა 52 უკრაინული დრონი გაანადგურეს“, - ნათქვამია რუსეთის თავდაცვის უწყების განცხადებაში.

რუსეთის თავდაცვის უწყების ცნობით, ყველაზე მეტი, 41 დრონი ბელგოროდის ოლქში ჩამოაგდეს.

ასევე, 6 დრონი ბრიანსკის ოლქში, 3 მოსკოვის ოლქში და 2 დრონი დროებით ოკუპირებული ყირიმის ტერიტორიაზე ჩამოაგდეს.