საქართველოს მთავრობის ადმინისტრაციაში რელიგიის საკითხთა სახელმწიფო სააგენტოსთან არსებული რელიგიურ გაერთიანებათა ქონებრივი და ფინანსური საკითხების შემსწავლელი სარეკომენდაციო კომისიის 2025 წლის მეორე სხდომა გაიმართა.

როგორც რელიგიის საკითხთა სახელმწიფო სააგენტოს მიერ გავრცელებულ ინფორმაციაშია ნათქვამი, კომისიას განსახილველად წარედგინა 34 საკითხი.

„საქართველოს მართლმადიდებელი ეკლესიის მიერ წარდგენილი 28 საკითხიდან დადებითად გადაწყდა 21, უარი ეთქვა 6 საკითხზე, 1 საკითხი კი არ განეკუთვნებოდა სააგენტოს კომპეტენციას; მუსლიმი თემის მიერ წარდგენილი 1 საკითხი დადებითად გადაწყდა, სომხური თემის მიერ წარდგენილ 5 საკითხზე კი ხარვეზი დადგინდა.

კომისიის სხდომას ესწრებოდნენ სრულიად საქართველოს კათოლიკოს-პატრიარქის მდივანი, დეკანოზი მიქაელ ბოტკოველი და თბილისის მერიის ქონების მართვის სააგენტოს წარმომადგენელი სოფიო დოღონაძე“, - ნათქვამია ინფორმაციაში.