უკრაინასა და რუსეთს შორის ტყვეების გაცვლის მორიგი ეტაპი შედგა, - ამის შესახებ ინფორმაციას უკრაინის პრეზიდენტი, ვოლოდიმირ ზელენსკი სოციალურ ქსელში ავრცელებს.

ვოლოდიმირ ზელენსკის ცნობით, მიმდინარე კვირაში ეს ტყვეების გაცვლის მეოთხე ეტაპია.

„ბევრი მათგანი, რომელიც დღეს უკრაინაში დაბრუნდა, ტყვეობაში 2022 წლიდან იყო. ისინი შეიარაღებული ძალების, ეროვნული გვარდიის, სასაზღვრო სამსახურისა და სახელმწიფო სპეციალური სატრანსპორტო სამსახურის მებრძოლები არიან“, - წერს ვოლოდიმირ ზელენსკი X-ზე.

მისი თქმით, უკრაინა რუსეთის ტყვეობაში მყოფი ყველა უკრაინელის დასაბრუნებლად მუშაობას აგრძელებს.