ირანის ჯანდაცვის სამინისტროს ცნობით, ირანში ისრაელის თავდასხმებს, პარასკევის შემდეგ, 224 ადამიანი ემსხვერპლა, - ინფორმაციას CNN-ი ირანული მედიასაშუალება Mehr News-ზე დაყრდნობით ავრცელებს.

ჯანდაცვის სამინისტროს პრესსპიკერის, ჰოსეინ კერმანპურის მტკიცებით, დაღუპულთა 90 პროცენტზე მეტი მშვიდობიანი მოქალაქეა.

მისივე თქმით, 1 277 ადამიანი ჰოსპიტალიზებულია.

შეგახსენებთ, ისრაელმა პარასკევს დილით ირანში სამხედრო ოპერაცია დაიწყო და ბირთვული და სამხედრო ობიექტები დაბომბა, რის შემდეგაც ირანი და ისრაელი ერთმანეთის ტერიტორიაზე დარტყმებს ახორციელებენ.