უკრაინის უმაღლესმა რადამ ახალი გენერალური პროკურორი დანიშნა
უკრაინის უმაღლესმა რადამ გენერალური პროკურორის თანამდებობაზე რუსლან კრავჩენკოს კანდიდატურას მხარი დაუჭირა, - ინფორმაციას უკრაინული მედია ავრცელებს.
მათივე ინფორმაციით, კრავჩენკოს კანდიდატურის სასარგებლოდ 273-მა სახალხო დეპუტატმა მისცა ხმა.
გენერალურ პროკურორად არჩევამდე რუსლან კრავჩენკო სახელმწიფო საგადასახადო სამსახურს ხელმძღვანელობდა.
ცნობისთვის, უკრაინის პრეზიდენტმა, ვოლოდიმირ ზელენსკიმ გენერალური პროკურორის თანამდებობაზე რუსლან კრავჩენკოს კანდიდატურა უმაღლეს რადას გუშინ წარუდგინა.
