ერთადერთი შანსი, ქვეყანა ამ სახიფათო კრიზისიდან გამოვიდეს და ცხოვრება ნორმალურ კალაპოტს დაუბრუნდეს, საქართველოს მოქალაქეების მტკიცე და ურყევ წინააღმდეგობაშია, - ამის შესახებ პარტია „ფედერალისტები“ განცხადებას ავრცელებს.

როგორც განცხადებაშია აღნიშნული, „პარტია ყველა „პოლიტპატიმარს“ თავისუფლებას უსურვებს“.

„პარტია „ფედერალისტების“ განცხადება ივანიშვილის რეჟიმის რეპრესიულ პოლიტიკასა და ოპონენტების დევნასთან დაკავშირებით: ივანიშვილის რეპრესიების ამოცანა ქართული საზოგადოების დემორალიზება და მისი ნების გატეხვაა. საქართველოს უახლეს ისტორიას არ ახსოვს პოლიტიკური ოპონენტების, მედიის, სამოქალაქო საზოგადოებისა და რეჟიმის მოწინააღმდეგე მოქალაქეების ამ მასშტაბის დევნა.

ივანიშვილს ქაოსის, დაპირისპირებისა და დესტაბილიზაციის გზა აქვს არჩეული. ერთადერთი შანსი, ქვეყანა ამ სახიფათო კრიზისიდან გამოვიდეს და ცხოვრება ნორმალურ კალაპოტს დაუბრუნდეს, საქართველოს მოქალაქეების მტკიცე და ურყევ წინააღმდეგობაშია. თავისუფლება ყველა პოლიტპატიმარს!“ - ნათქვამია განცხადებაში.