„ქართული ოცნების“ აღმასრულებელი მდივნის, მამუკა მდინარაძის განცხადებით, საქართველოს გენერალურ პროკურორს მიმდინარე კვირაში აირჩევენ.

როგორც მან უმრავლესობის სხდომის დასრულების შემდეგ განაცხადა, „ქართული ოცნება“ მხარს გიორგი გვარაკიძის კანდიდატურას დაუჭერს.

„მიმდინარე კვირაში ავირჩევთ გენერალურ პროკურორს. დღევანდელ სხდომაზე ამასთან დაკავშირებით ვიმსჯელეთ. როგორც მოგეხსენებათ, წარმოდგენილია გიორგი გვარაკიძის კანდიდატურა. ვინაიდან ეს ადამიანი არის ღირსეული, პროფესიონალი კადრი – ჩვენ მას მხარს დავუჭერთ“, – განაცხადა მდინარაძემ.

შეგახსენებთ, გიორგი გვარაკიძე ამ ეტაპზე გენერალური პროკურორის პირველი მოადგილეა და მისი კანდიდატურა საპროკურორო საბჭომ პარლამენტს უკვე წარუდგინა.