მხარეებს მოლაპარაკებების მაგიდასთან დაბრუნებისკენ მოვუწოდებ, - ასე გამოეხმაურა საფრანგეთის პრეზიდენტი, ემანუელ მაკრონი ირანის მიერ კატარში მდებარე აშშ-ის ავიაბაზაზე განხორციელებულ იერიშს.

„საფრანგეთის სოლიდარობას გამოვხატავ კატარის მიმართ, რომელსაც ირანმა საკუთარ მიწაზე დაარტყა. მე ქვეყნის ხელისუფლებასთან და რეგიონში ჩვენს პარტნიორებთან მჭიდრო კონტაქტში ვარ. მოვუწოდებ ყველა მხარეს, გამოიჩინონ მაქსიმალური თავშეკავება, დეესკალაცია მოახდინონ და მოლაპარაკებების მაგიდას დაუბრუნდნენ. ქაოსის ეს სპირალი უნდა დასრულდეს“, - განაცხადა ემანუელ მაკრონმა.

ამასთან, საფრანგეთის საგარეო საქმეთა მინისტრმა, ჟან-ნოელ ბარომ აღნიშნა, რომ ირანის სარაკეტო იერიშები „სახიფათო ესკალაციას“ წარმოადგენს.

შეგახსენებთ, დღეს ირანმა კატარში მდებარე აშშ-ის ალ-უდეიდას ავიაბაზის მიმართულებით ბალისტიკური რაკეტები გაუშვა. გავრცელებული ინფორმაციით, ირანის იერიშის შედეგად არავინ დაშავებულა.