„სტრატეგია აღმაშენებლის“ ოფისში სამართალდამცავები მივიდნენ. მანამდე „სტრატეგია აღმაშენებლის“ ლიდერმა, გიორგი ვაშაძემ, „112“-ის სამსახურში დარეკა.

„გირეკავთ, რომ შეგატყობინოთ შესაბამის უწყებებს, ოფისში ველოდები, რომ დამაკავონ. სასამართლომ მიიღო გადაწყვეტილება. ვიმყოფები რუსთაველის გამზირის N21-ში. ოფისში ვარ“, - განუცხადა გიორგი ვაშაძემ „112-ის“ თანამშრომელს.

ამასთან, როგორც მან ჟურნალისტებს განუცხადა, „112-ის“ თანამშრომლებმა მისი ზარი დააფიქსირეს.

„მაინც დავრეკე „112-ში“, დააფიქსირეს, რა უნდა ეთქვათ”,- განმარტა ვაშაძემ.

ცნობისთვის, „სტრატეგია აღმაშენებლის“ ლიდერი, გიორგი ვაშაძე სასამართლომ პარლამენტის დროებით საგამოძიებო კომისიის მოთხოვნის შეუსრულებლობის ფაქტზე დამნაშავედ ცნო. მოსამართლე ნინო გალუსტაშვილის გადაწყვეტილებით, მას 7 თვით თავისუფლების აღკვეთა მიესაჯა. ამასთან, აეკრძალა თანამდებობის დაკავება 2 წლის ვადით.