ისრაელის იერიშების დაწყების შემდეგ, სულ მცირე, 610 ადამიანი დაიღუპა, - ამის შესახებ განცხადებას ირანის ჯანდაცვის სამინისტრო ავრცელებს.

„ყველა მშვიდობიანი მოქალაქეა“, - განაცხადა ირანის ჯანდაცვის სამინისტროს პრესსპიკერმა, ჰოსეინ კერმანპურმა.

მისი თქმით, დაღუპულებს შორის 13 ბავშვია და ბოლო 12 დღის განმავლობაში ისრაელის იერიშების შედეგად 4700-ზე მეტი ადამიანი დაშავდა.

ირანის ჯანდაცვის სამინისტროს ცნობით, ისრაელის სარაკეტო დარტყმების შედეგად 7 საავადმყოფო დაზიანდა.

შეგახსენებთ, აშშ-ის პრეზიდენტმა, დონალდ ტრამპმა განაცხადა, რომ ისრაელმა და ირანმა ცეცხლის შეწყვეტის შესახებ შეთანხმებას მიაღწიეს. ისრაელის პრემიერ-მინისტრის, ბენიამინ ნეთანიაჰუს ოფისმა განაცხადა, რომ ქვეყანა ირანთან ცეცხლის შეწყვეტის შესახებ აშშ-ის წინადადებას დათანხმდა, თუმცა ცეცხლის შეწყვეტის ნებისმიერ დარღვევას „ძლიერ პასუხს გასცემს“.