ირანის მიერ ბირთვული იარაღის შექმნა წითელ ხაზს წარმოადგენს, - ამის შესახებ ახლო აღმოსავლეთში აშშ-ის პრეზიდენტის, დონალდ ტრამპის სპეციალურმა წარმომადგენელმა, სტივ უიტკოფმა CNBC-თან ინტერვიუში განაცხადა.

„რა თქმა უნდა, ეს წითელი ხაზია. ეს ყოველთვის წითელი ხაზი იყო. ურანის გამდიდრება წითელი ხაზია და ასევე, წითელ ხაზს იარაღის შექმნა წარმოადგენს. იარაღის შექმნას ვერ დავუშვებთ“, - განაცხადა სტივ უიტკოფმა.

მისი თქმით, ირანის მიერ ბირთვული იარაღის შექმნა რეგიონში დესტაბილიზაციას გამოიწვევს.

„მაშინ ბომბის შექმნას ყველა მოისურვებს და ჩვენ ამის დაშვება არ შეგვიძლია“, - აღნიშნა დონალდ ტრამპის სპეციალურმა წარმომადგენელმა.