მოსამართლე და პროკურორი დგანან ერთ მხარეს, ისინი ერთობლივი ძალისხმევით ასამარებენ სამართალს, - ამის შესახებ პარტია „ხალხისთვის“ლიდერმა ანა დოლიძემ განაცხადა.

ანა დოლიძე აქციების ფარგლებში დაკავებული ერთ-ერთი ბრალდებულის ანრი კვარაცხელიას პროცესს დაესწრო.

“დღევანდელ პროცესზე კიდევ ერთხელ კარგად გამოჩნდა თუ როგორ შორს არის მოსამართლე ჯვებე ნაჭყებია ობიექტურობისაგან. როგორც სხვა დაკავებულების პროცესებზე, დღესაც მოსამართლე და პროკურორი დგანან ერთ მხარეს, ისინი ერთობლივი ძალისხმევით ასამარებენ სამართალს. რეჟიმის ცვლილების შემდეგ ამ პირებს აუცილებლად მოუწევთ პასუხისგება, ამას ვერავინ გაექცევა” - განაცხადა ანა დოლიძემ.

ცნობისთვის, ანზორ კვარაცხელია აქციების ფარგლებში დაწყებული გამოძიების მიმდინარეობისას სისხლის სამართლის კოდექსის 353-ე პრიმა მუხლის პირველი ნაწილით დააკავეს, რაც პოლიციელზე თავდასხმას გულისხმობს.