თურქეთის პოლიციამ სტამბოლის ცენტრში სულ მცირე 30 ადამიანი დააკავა, რომლებიც პრაიდის მარშში მონაწილეობის მიღებას ცდილობდნენ, - ინფორმაციას Reuters-ი ოპოზიციონერ პოლიტიკოსზე, კეზბან კონუკჩუზე დაყრდნობით ავრცელებს.

სტამბოლის გუბერნატორის ადმინისტრაციამ მსვლელობა უკანონოდ გამოაცხადა და განაცხადა, რომ ჰგუფები, რომლებიც მის ჩატარებას ხელს უწყობდნენ, არალეგალურად მოქმედებდნენ.

Reuters-ი წერს, რომ ხელისუფლებამ თურქეთის უდიდეს ქალაქში პრაიდის მსვლელობები 2015 წლიდან აკრძალა, რის მოტივითაც საზოგადოებრივი უსაფრთხოების საკითხებს ასახელებენ.