გერმანიის საგარეო საქმეთა მინისტრი, იოჰან ვადეფული უკრაინის დედაქალაქ კიევში ჩავიდა, - ინფორმაციას გამოცემა Spiegel-ი ავრცელებს.

გამოცემის ცნობით, გერმანიის საგარეო უწყების ხელმძღვანელი, ვიზიტის ფარგლებში, უკრაინის ხელისუფლების წარმომადგენლებს შეხვდება.

„უკრაინის თავისუფლება და მომავალი გერმანიის საგარეო და უსაფრთხოების პოლიტიკის უმნიშვნელოვანესი ამოცანაა“, - განაცხადა ვადეფულმა.

ცნობისთვის, ეს იოჰან ვადეფულის პირველი ვიზიტია უკრაინაში.