ერთი კითხვა მაქვს: გადავდექი და „რატომ მიგვატოვეო“. „წავედი და ე, ბიჭო, როდის დაბრუნდები, სწრაფად, ძალიან მოგვენატრეო“. ივანიშვილმა იცის, ასე რომ გიყვარვართ? ხომ არ ეჭვიანობს? - ასე მიმართა პარლამენტის დროებითი საგამოძიებო კომისიის სხდომაზე პარტია „გახარია საქართველოსთვის“ ლიდერმა, გიორგი გახარიამ კომისიის თავმჯდომარეს თეა წულუკიანს.

გახარიას ამ განცხადებას თეა წულუკიანმა ასე უპასუხა: „ამაზე ჩემს ბავშვობაში, თქვენ რომ მოსკოვში სწავლობდით, ამბობდნენ „სად გავიცინოთო?!“

მანამდე, გიორგი გახარია კომისიის სხდომაზე საუბრობდა, რომ არჩევნები არის ხელისუფლების ცვლილების ერთადერთი გზა.

„ადასტურებთ, რომ ადგილობრივი თვითმმართველობის არჩევნებში მიიღებთ მონაწილეობას და იქნებით ჩართული? თუ სადღაც სასტუმროში იქნებით? ანუ "back way ticket" გაქვთ?“- მიმართა წულუკიანმა გახარიას, რასაც მან უპასუხა, რომ „დიახ, ვადასტურებ! სრულად ვიქნები ჩართული, არ იღელვოთ“.