შინაგან საქმეთა მინისტრი რომ ვიყავი, გივი მიქანაძე მაშინ გავაგდე პოლიციის აკადემიის ხელმძღვანელობიდან და ჰკითხეთ მიქანაძეს, რატომ გავაგდე, - ამის შესახებ საგამოძიებო კომისიის სხდომაზე, შსს-ს ყოფილმა მინისტრმა, გიორგი გახარიამ განაცხადა, რომელსაც დისტანციურად ჩაერთო.

გიორგი გახარიას განცხადებას წინ საგამოძიებო კომისიის თავმჯდომარის, თეა წულუკიანის რეპლიკა უძღვოდა „თქვენ იქ [პარლამენტში] იყავით: „ნაცებო“ დაგასრულებთო [რომ ამბობდით] და ახლა „ნაცებთან“ ერთად ხართ კოალიციაში“.

თეა წულუკიანს გიორგი გახარიამ უპასუხა: „ნაცები“ ჩემი დასასრულებელია. „ნაცები“ თქვენთან არიან, მიქანაძე გყავთ“.

გიორგი გახარიას აღნიშნულ განცხადებას თეა წულუკიანმა უპასუხა: „მიქანაძეს თავი დაანებეთ და მოდით, ჩორჩანაში დაბრუნდით. რა გაქვთ მიქანაძეზე თქვენ სათქმელი? „ნაცებთან“ ერთად კოალიციაში ხართ თქვენ“.

წულუკიანის პასუხის შემდეგ გიორგი გახარიამ განაცხადა, რომ გივი მიქანაძე პოლიციის აკადემიიდან „გააგდო“ შს მინისტრობის დროს, რისი მიზეზიც თავად მიქანაძეს ჰკითხონ.

„შინაგან საქმეთა მინისტრი რომ ვიყავი, მაშინ გავაგდე პოლიციის აკადემიის ხელმძღვანელობიდან და ჰკითხეთ მიქანაძეს, რატომ გავაგდე და სჯობს, ასეთი კითხვები არ დამისვათ, თორემ...“, - განაცხადა გახარიამ.