ევროკომისიის პრეზიდენტ ურსულა ფონ დერ ლაიენსა და აშშ-ის პრეზიდენტ დონალდ ტრამპს შორის კარგი საუბარი გაიმართა, - ამის შესახებ ევროკავშირის პრესსპიკერმა სავაჭრო საკითხებში, ოლოფ გილმა განაცხადა.

მისი თქმით, ევროკავშირის მიზანი კვლავ ვაშინგტონთან სავაჭრო შეთანხმების 9 ივლისისთვის მიღწევაა.

„გვსურს აშშ-სთან შეთანხმების მიღწევა. გვსურს თავიდან ავიცილოთ ტარიფები. მიგვაჩნია, რომ ისინი ტკივილს იწვევენ. ჩვენ გვსურს ორმხრივად მომგებიანი შედეგების მიღწევა და არა ორმხრივად წამგებიანი შედეგები“, - აღნიშნა ოლოფ გილმა.

შეგახსენებთ, ევროკავშირი მოითხოვს ავტომობილებზე ტარიფების დაუყოვნებლივ შემსუბუქებას, რომელიც ამჟამად 29.5%-ს შეადგენს და ასევე ტარიფების შემცირებას ფოლადზე.