ტაივანს ქარიშხალი „დანასი“ დაატყდა თავს, არის მსხვერპლი
ტაივანს ქარიშხალი „დანასი“ დაატყდა თავს. სტიქიურ უბედურებას სულ მცირე ორი ადამიანი ემსხვერპლა და 630-ზე მეტი დაშავდა.
როგორც Reuters წერს, მსგავსი სიძლიერის ქარიშხლები კუნძულის მჭიდროდ დასახლებულ დასავლეთ სანაპიროზე იშვიათი შემთხვევაა.
მათივე ცნობით, ტაივანს ტაიფუნები რეგულარულად აზიანებს, თუმცა ის ძირითადად წყნარი ოკეანისკენ მიმართულ მთიან და მეჩხრად დასახლებულ აღმოსავლეთ სანაპიროზე ხდება.
სტიქიის გამო, სანაპირო ზოლთან ახლოს ბიზნეს ობიექტები და სკოლები დაიხურა, ქარიშხალმა საათში დაახლოებით 220 კილომეტრ სიჩქარეს მიაღწია.
მედიის ცნობით, ქარიშხლის შედეგად, 710 000-ზე მეტ სახლს ელექტროენერგია გაეთიშა და 300-ზე მეტი შიდა და საერთაშორისო რეისი გაუქმდა.
