აშშ უკრაინას საარტილერიო ჭურვებსა და GMLRS-ის რაკეტებს აწვდის, - ინფორმაციას გამოცემა Reuters-ი ორ ამერიკელ ოფიციალურ პირზე დაყრდნობით ავრცელებს.

ოფიციალურმა პირებმა, რომლებიც გამოცემას ანონიმურობის პირობით ესაუბრნენ, განაცხადეს, რომ უკრაინას, ამჟამად, 155 მმ-იანი საარტილერიო ჭურვები და GMLRS (მობილური სარაკეტო არტილერიის) რაკეტები მიეწოდება.

ამასთან, ოფიციალურ პირებს არ დაუკონკრეტებიათ, რა რაოდენობის ჭურვები და რაკეტები მიაწოდეს უკრაინას, რატომ მიაწოდეს ქვეყანას მხოლოდ ჭურვები და საარტილერიო რაკეტები და მიიღეს თუ არა რაიმე გადაწყვეტილება სხვა იარაღის მიწოდების განახლების შესახებ.

შეგახსენებთ, რამდენიმე დღის წინ ცნობილი გახდა, რომ დონალდ ტრამპის ადმინისტრაციამ უკრაინას ზოგიერთი კრიტიკულად საჭირო იარაღის მიწოდება შეუჩერა.