უკრაინის აღდგენის საკითხზე რომში კონფერენცია გაიმართება
დღეს რომში უკრაინის აღდგენის საკითხზე კონფერენცია იწყება, - ამის შესახებ ინფორმაციას უკრაინული მედია ავრცელებს.
იტალიის დედაქალაქში უკრაინის აღდგენის საკითხზე კონფერენცია ორი დღის განმავლობაში, 10-11 ივლისს გაიმართება.
კონფერენციის ოფიციალურ ვებგვერდზე განთავსებული ინფორმაციის თანახმად, მონაწილეები ოთხ ძირითად საკითხზე გააკეთებენ აქცენტს, მათ შორის, უკრაინაში კერძო სექტორის მიზიდვაზე, ადამიანურ კაპიტალზე, ადგილობრივი რეგიონების აღდგენასა და ევროპულ ინტეგრაციაზე.
ცნობისთვის, უკრაინის პრეზიდენტი, ვოლოდიმირ ზელენსკი გუშინ რომში, რომის პაპ ლეო XIV-სა და უკრაინის საკითხებში აშშ-ის პრეზიდენტის სპეციალურ წარმომადგენელს, კიტ კელოგს შეხვდა.
უკრაინის პრეზიდენტის, ვოლოდიმირ ზელენსკის ცნობით, კიტ კელოგთან აშშ-ის მიერ უკრაინისთვის შეიარაღების მიწოდებისა და უკრაინის საჰაერო თავდაცვის გაძლიერების საკითხები განიხილა.
