მივესალმები პრეზიდენტ ტრამპის მნიშვნელოვან გადაწყვეტილებას, რომელიც შესაძლებელს ხდის უკრაინისთვის უფრო თანამედროვე იარაღის მიწოდებას და მნიშვნელოვნად ზრდის რუსეთზე ეკონომიკური ზეწოლას, - ამის შესახებ შვედეთის პრემიერ მინისტრი, ულფ კრისტერსონი სოციალურ პლატფორმა X-ზე წერს.

მისი თქმით, შვედეთი გააგრძელებს უკრაინისთვის სწრაფი და არსებითი მიწოდების ხელშეწყობას.

„როგორც უკრაინის ერთ-ერთი უდიდესი დონორი, და ჩვენს ნატო-ელ მოკავშირეებთან ერთად, შვედეთი გააგრძელებს წვლილის შეტანას უკრაინისთვის სწრაფი და არსებითი მიწოდების განხორციელებაში. დროს არსებითი მნიშვნელობა აქვს. რაც უფრო მალე გავერთიანდებით, რომ რუსეთს უკრაინის წინააღმდეგ სასტიკი ომის დასრულება ვაიძულოთ, მით უფრო მეტი სიცოცხლე გადარჩება“, - წერს ულფ კრისტერსონი.

შეგახსენებთ, აშშ-ის პრეზიდენტმა, დონალდ ტრამპმა გუშინ განაცხადა, რომ უკრაინისთვის იარაღის გაგზავნის საკითხზე ნატო-სთან შეთანხმებას მიაღწია.