“თავისუფლება რეჟიმის ტყვეებს”, “საქართველოს ადგილი ევროპაშია”,- ამ ლოზუნგით აჭარის მთავრობის სახლთან, საპროტესტო აქცია მიმდინარეობს.

შეკრებილები აცხადებენ, რომ ქართველი ხალხი არ იმსახურებს ევროკავშირთან უვიზო მიმოსვლის შეწყვეტას.

მათი თქმით, საქართველო რუსი ოლიგარქის ტყვეობაშია.

“ქართული საზოგადოება რეჟიმის გამო არ უნდა დაისაჯოს და უვიზო მიმოსვლა არ უნდა შეწყდეს. ქართველი ხალხი არის რუსი ოლიგარქის -რეჟიმს მძევლად ჰყავს. უვიზო მიმოსვლის შეწყვეტა ქვეყნის ეკონომიკასა და განვითარებაზე ცუდად აისახება. ახალგაზრდებს განათლების მიღებაში შეაფერხებს, ჯანდაცვის მიმართულებით პრობლემებს შეგვიქმნის”, - აცხადებენ შეკრებილები.