რუსებმა ოდესას დრონების გამოყენებით დაარტყეს, არის მსხვერპლი, - ამის შესახებ ინფორმაციას უკრაინული მედია ოდესის მერზე, გენადი ტრუხანოვზე დაყრდნობით ავრცელებს.

ოდესის მერის, გენადი ტრუხანოვის განცხადებით, რუსების იერიშის შედეგად ხანძარი მაღალსართულიან საცხოვრებელ კორპუსს გაუჩნდა, რასაც ერთი ადამიანის სიცოცხლე ემსხვერპლა.

ტრუხანოვის ცნობით, რუსულმა ძალებმა ქალაქ ოდესაზე თავდასხმა 20-ზე მეტი დრონის გამოყენებით განახორციელეს, რის შედეგადაც სამოქალაქო ინფრასტრუქტურა დაზიანდა.

ოდესის საოლქო-სამხედრო ხელმძღვანელის, ოლეგ კიპერის ინფორმაციით, თავდასხმის შედეგად სამი ადამიანი დაშავდა.