სამხრეთ კორეაში ძლიერი წვიმის შედეგად დაღუპულთა რაოდენობა ოთხამდე გაიზარდა, 7000-ზე მეტი ადამიანი კი ევაკუირებულია, - ამის შესახებ ინფორმაციას სააგენტო Reuters-ი ავრცელებს.

სამხრეთ კორეის შინაგან საქმეთა სამინისტროს ცნობით, ძლიერი წვიმების შედეგად ქვეყნის მასშტაბით 7000-ზე მეტი ადამიანის ევაკუაცია განხორციელდა, ხოლო ორი ადამიანი უგზო-უკვლოდ დაკარგულად ითვლება.

სამინისტროს ინფორმაციით, ძლიერმა წვიმებმა 641-ზე მეტი შენობა და 388 გზა დააზიანა.

სამხრეთ კორეის მეტეოროლოგიურ სამსახურში განაცხადეს, რომ ქვეყნის ზოგიერთ ნაწილში წვიმები ორშაბათამდე გაგრძელდება.