რუსეთის თავდაცვის სისტემებმა ღამით ქვეყნის ცხრა რეგიონის და შავი ზღვის აკვატორიის თავზე 93 უკრაინული დრონი ჩამოაგდეს, მათ შორის 19 მოსკოვის ოლქში, - ინფორმაციას რუსეთის თავდაცვის სამინისტრო ავრცელებს.

მათივე ინფორმაციით, ჩამოგდებული დრონებიდან 16 დედაქალაქისკენ მიემართებოდა.

მოსკოვის მერის, სერგეი სობიანინის განცხადებით, მოსკოვის ოლქში ნამსხვრევების ჩამოვარდნის შედეგად ავტომობილებს ცეცხლი გაუჩნდა.

ქალაქ ზელენოგრადში ერთ-ერთი ჩამოგდებული დრონის ნამსხვრევების ჩამოვარდნის შედეგად, საცხოვრებელ სახლში ხანძარი გაჩნდა და რამდენიმე ავტომობილი დაზიანდა.

დრონებით თავდასხმის გამო მოსკოვის ყველა აეროპორტმა - შერემეტიევომ, დომოდედოვომ, ვნუკოვომ და ჟუკოვსკიმ - თვითმფრინავების გაშვება და მიღება შეაჩერა.