გერმანიის თავდაცვის მინისტრის, ბორის პისტორიუსის განცხადებით, მისი ქვეყანა უკრაინას დამატებით საჰაერო თავდაცვის სისტემებსა და საბრძოლო მასალას მიაწვდის, - ინფორმაციას უკრაინული მედია ავრცელებს.

„გერმანია დამატებით საჰაერო თავდაცვის სისტემებს და საჭირო საბრძოლო მასალას უზრუნველყოფს“, - განაცხადა პისტორიუსმა „რამშტაინის“ ფორმატში გამართული შეხვედრის დროს.

მისი თქმით, გასულ კვირას ვაშინგტონში ვიზიტის დროს, პენტაგონის ხელმძღვანელ პიტ ჰეგსეთთან შეთანხმდა უკრაინისთვის Patriot-ის ხუთი საზენიტო-სარაკეტო სისტემის მიწოდებაზე. ბორის პისტორიუსმა აღნიშნა, რომ მხარეები უახლოეს დღეებში კოორდინაციას გაუწევენ ქმედებებს ამ მიზნის მისაღწევად.