რაჟდენ კუპრაშვილი „ქართულ ოცნებაში“ კორუფციის შესახებ კითხვაზე - იმ პირობებში, როცა ეკონომიკა იზრდება, კორუფციული რისკები იზრდება - ამ გამოწვევას უნდა ვუპასუხოთ რეფორმებით, სწორი გადაწყვეტილებებით
იმ პირობებში, როცა ეკონომიკა იზრდება, რა თქმა უნდა, კორუფციული რისკები იზრდება - ამ გამოწვევას უნდა ვუპასუხოთ რეფორმებით, სწორი გადაწყვეტილებებით, - ამის შესახებ ანტიკორუფციული ბიუროს ხელმძღვანელმა, რაჟდენ კუპრაშვილმა ჟურნალისტებთან განაცხადა, რითაც „ქართულ ოცნებაში“ კორუფციაზე დასმულ კითხვას უპასუხა.
მისივე თქმით, საკანონმდებლო ცვლილებები, რომლებიც პრემიერ-მინისტრის ინიციატივით განხორციელდა, სწორედ კორუფციის აღმოფხვრას ემსახურება.
„იმ პირობებში, როცა ეკონომიკა იზრდება, რა თქმა უნდა, კორუფციული რისკები იზრდება. რა თქმა უნდა, ამ გამოწვევას უნდა ვუპასუხოთ რეფორმებით, სწორი გადაწყვეტილებებით. საკანონმდებლო ცვლილებები, რომლებიც პრემიერ-მინისტრის ინიციატივით განხორციელდა, აღნიშნულს ემსახურება,“ - განაცხადა კუპრაშვილმა.
