საქართველოს სახალხო დამცველი, ლევან იოსელიანი, ბათუმში თურქეთის რესპუბლიკის მთავარ ომბუდსმენს, მეჰმეტ აკარჯას და თურქეთის დელეგაციის სხვა წარმომადგენლებს შეხვდა.

ამის შესახებ ინფორმაციას სახალხო დამცველის პრესსამსახური ავრცელებს.

„შეხვედრაზე ლევან იოსელიანმა და მეჰმეტ აკარჯამ რეგიონში ადამიანის უფლებათა დაცვის თვალსაზრისით არსებულ მდგომარეობაზე ისაუბრეს, ხაზი გაუსვეს ორი ქვეყნის ადამიანის უფლებათა დამცველი ინსტიტუტების მრავალწლიან თანამშრომლობას და ამ ურთიერთობის გაგრძელების მზაობა გამოთქვეს.

საქართველოსა და თურქეთის ომბუდსმენები უკვე წლებია ნაყოფიერად თანამშრომლობენ პენიტენციურ სისტემაში თანამედროვე ტექნოლოგიების დანერგვის, ექსტრადიციის პროცესის დახვეწის, მიგრანტთა უფლებების დაცვისა და სხვა მიმართულებებით”,- ნათქვამია ინფორმაციაში.