რუსეთის საჰაერო თავდაცვის ძალებმა ღამით რუსეთის რეგიონებსა და აზოვისა და შავი ზღვების აკვატორიაში 54 უკრაინული დრონი ჩამოაგდეს, - ინფორმაციას რუსული მედია ქვეყნის თავდაცვის სამინისტროზე დაყრდნობით ავრცელებს.

უწყების ცნობით, 24 დრონი ბრიანსკის ოლქის თავზე ჩამოაგდეს, 12 - როსტოვის ოლქში, 6 - ყირიმის თავზე, 4 - აზოვის ზღვის აკვატორიის თავზე, 3 - შავი ზღვის თავზე, ორ-ორი ორიოლისა და ტულის ოლქში, ერთი - ბელგოროდში.

როსტოვის ოლქის მოვალეობის შემსრულებლის, იური სლიუსარის თქმით, ზიმოვნიკოვსკის რაიონში დრონით დარტყმის შედეგად ორი ადამიანი დაიღუპა და ერთი ავტომობილი დაიწვა.