კულტურის სფეროს წარმომადგენლები ხვალ, 27 ივლისს საპროტესტო მსვლელობას ლოზუნგით:­„კულტურა ქვეყნის თავისუფლებისთვის” მოაწყობენ.

ისინი 19:00 საათზე ფილარმონიასთან შეიკრიბებიან და მსვლელობით პარლამენტისკენ გაემართებიან.

„კულტურისა და ხელოვნების სფეროს წარმომადგენლები, რომელთათვისაც ქვეყნის ევროპული მომავლის უარყოფა საქართველოს სახელმწიფოებრიობისა და კულტურული იდენტობის ღალატს ნიშნავს, ვაგრძელებთ უკომპრომისო ბრძოლას მზარდი ავტორიტარიზმის წინააღმდეგ, ჩვენი ქვეყნის დემოკრატიული განვითარების გადასარჩენად. ჩვენ არ შევეგუებით წართმეულ არჩევანს, საპატიმროებში გამომწყვდეულ თანამოქალაქეებს, მიტაცებულ სასამართლოს, და ჩვენი უპირობო არჩევანის ევროპული ოჯახის სრულფასოვანი წევრობის უგულებელყოფას.

ჩვენ ვითხოვთ მხოლოდ თავისუფალ არჩევნებს! არა რუსულ ფარსს!

ჩვენ ვამბობთ – კი, ევროპულ მომავალს, არა იზოლაციას და ავტორიტარიზმს!

ჩვენ, ვიბრძვით ქვეყნის თავისუფლებისთვის!”,- ნათქვამია ორგანიზატორების მიერ გავრცელებულ ინფორმაციაში.