საჰაერო თავდაცვის ძალებმა ღამით რუსეთის ტერიტორიაზე 99 უკრაინული დრონი ჩამოაგდეს, - ინფორმაციას რუსული მედია ქვეყნის თავდაცვის სამინისტროზე დაყრდნობით ავრცელებს.

„გასული ღამის განმავლობაში, მორიგე საჰაერო თავდაცვის სისტემებმა 99 უკრაინული დრონი გაანადგურეს“, - ნათქვამია განცხადებაში.

მათივე ინფორმაციით, 36 უპილოტო საფრენი აპარატი ბრიანსკის ოლქში ჩამოაგდეს, 21 - სმოლენსკში, 10 - კალუგის თავზე, 9 - ვოლგოგრადში, 9 - როსტოვში, 4 - დროებით ოკუპირებულ ყირიმში, 2 - ვორონეჟში, 2 - კურკსში, 2 - შავი ზღვის თავზე, თითო-თითო დრონი კი მოსკოვის, ნიჟნი-ნოვგოროდის, ორიოლისა და ტამბოვის ოლქებში.

დრონებით თავდასხმის საფრთხის გამო რუსეთის რამდენიმე აეროპორტში დროებითი შეზღუდვები გამოცხადდა.