გერმანია ღაზას ჰუმანიტარულ დახმარებას საჰაერო გზით მიაწვდის, - ამის შესახებ გერმანიის კანცლერმა, ფრიდრიხ მერცმა განაცხადა.

„თავდაცვის მინისტრი, ბორის პისტორიუსი მჭიდრო კოორდინაციაში იქნება საფრანგეთთან და დიდ ბრიტანეთთან, რომლებიც ასევე მზად არიან საკვებისა და მედიკამენტების საჰაერო გზით მიწოდებისთვის“, - განაცხადა მერცმა.

მისი თქმით, ღაზაში არსებული ვითარება კატასტროფულია.

„ვიცით, რომ ეს ღაზას მოსახლეობისთვის მხოლოდ შეზღუდული რაოდენობის დახმარებაა, მაგრამ მიუხედავად ამისა, ჩვენი წვლილის შეტანა გვსურს“, - აღნიშნა გერმანიის კანცლერმა.