ეს არის უკრაინის წინააღმდეგობის ჩასახშობად მიზანმიმართული სტრატეგია, რომელიც არ უნდა გამართლდეს. ნორვეგია გააგრძელებს უკრაინის ბრძოლის მხარდაჭერას, - ამის შესახებ ნორვეგიის საგარეო საქმეთა სამინისტრო X-ზე წერს, რითაც რუსეთის მიერ კიევზე განხორციელებულ თავდასხმას ეხმაურება.

მათივე თქმით, ეს მშვიდობიანის მოსახლეობის წინააღმდეგ მიზანმიმართული სისასტიკეა.

„რუსეთმა კიდევ ერთხელ შეუტია კიევს რაკეტებითა და დრონებით - ეს უკრაინის მშვიდობიანი მოსახლეობის წინააღმდეგ მიზანმიმართული სისასტიკის კიდევ ერთი მაგალითია. ეს არის უკრაინის წინააღმდეგობის ჩასახშობად მიზანმიმართული სტრატეგია, რომელიც არ უნდა გამართლდეს. ნორვეგია გააგრძელებს უკრაინის ბრძოლის მხარდაჭერას“, -წერს სამინისტრო.

შეგახსენებთ, დღეს ღამით რუსებმა კიევზე თავდასხმები დრონებითა და რაკეტებით განახორციელეს. რუსულმა ძალებმა კიევში ოთხ რეგიონსა და 27 ლოკაციას დაარტყეს.

რუსების მიერ კიევზე დარტყმის შედეგად დაღუპულთა რიცხვი 8-მდე, ხოლო დაშავებულთა 88-მდე გაიზარდა.