პარლამენტთან საპროტესტო აქცია მიმდინარეობს.

პროტესტის 250-ე დღესაც აქციის მონაწილეებმა რუსთაველის გამზირი გადაკეტეს.

მათ „საზოგადოებრივი მაუწყებლის” ძველი შენობიდან მსვლელობით მისული მოქალაქეებიც შეუერთდნენ ლოზუნგით: ხალხი იმსახურებს დამოუკიდებელ „საზოგადოებრივ მაუწყებელს”.

აქციის მონაწილეებს ხელში უჭირავთ საქართველოს დროშები, ასევე, დაკავებული ჟურნალისტის მზია ამაღლობელის და აქტივისტ ნინო დათაშვილის მხარდამჭერი ბანერები.

აქციის მონაწილეებმა რუსთაველის გამზირზე სანთლებიც დაანთეს, რითაც შოვში, ორი წლის წინ მომხდარი ტრაგედიის დროს გარდაცვლილებს პატივი მიაგეს.

პროტესტის მონაწილეების მოთხოვნები უცვლელია: დაინიშნოს ახალი საპარლამენტო არჩევნები და გათავისუფლდნენ აქციების დროს დაკავებული პირები.