„თავისუფლება რეჟიმის ტყვეებს”, - ამ ლოზუნგით, გამოცემა „ბათუმელების“ ოფისთან აქცია მიმდინარეობს.

ჟურნალისტები, პოლიტიკოსები და სამოქალაქო სექტორის წარმომადგენლები, გამოცემა „ბათუმელების“ ოფისთან სოლიდარობის მიზნით მივიდნენ და მხარდაჭერას უცხადებენ მზია ამაღლობელს და მის კოლეგებს.

მათი თქმით, მზია ამაღლობელი და სხვა პოლიტპატიმრები, საპატიმროებს გამარჯვებული დატოვებენ.

შეკრებილების განცხადებით, მზია ამაღლობელი პოლიტპატიმარია.

„მადლობა „ბათუმელებს“, მადლობა მზია ამაღლობელს. თქვენ არ იღლებით და არ ნებდებით. მზიას და იმ ბიჭებს, რომლებიც ციხეში იმყოფებიან, ყველას გამძლეობას ვუსურვებთ. ისინი აუცილებლად გაიმარჯვებენ. საქართველოს ევროპულ მომავალს ვერავინ წაართმევს“, - აცხადებენ შეკრებილები.