ისრაელის პრემიერ-მინისტრმა, ბენიამინ ნეთანიაჰუმ დაამტკიცა გეგმა, რომლის მიხედვითაც, ისრაელი ქალაქ ღაზაზე სრულ კონტროლს დაამყარებს.

“ისრაელის თავდაცვის ძალები მოემზადება ქალაქ ღაზაზე კონტროლის აღებისთვის, ამავდროულად, საბრძოლო ზონების გარეთ მშვიდობიან მოსახლეობას ჰუმანიტარულ დახმარებას გაუწევს“, - განაცხადა მან.

მისივე თქმით, გეგმა გულისხმობს პალესტინელი მშვიდობიანი მოსახლეობის ევაკუაციას ქალაქიდან და იქ სახმელეთო შეტევის დაწყებას.

აღნიშნული ინფორმაცია ნეთანიაჰუმ Fox News Channel-სთვის მიცემულ ინტერვიუშიც დაადასტურა, რომ ისრაელს სურს ტერიტორიის გადაცემა არაბული ძალებისთვის, რომლებიც მას მომავალში მართავენ.

მან არ დააკონკრეტა მმართველობის კონკრეტული მექანიზმები ან რომელი არაბული ქვეყნები შეიძლება მასში იყვნენ ჩართულნი.

„ჩვენ არ გვინდა მისი შენარჩუნება. ჩვენ გვინდა უსაფრთხოების პერიმეტრის შექმნა. ჩვენ არ გვინდა მისი მართვა. ჩვენ არ გვინდა იქ ვიყოთ მმართველი ორგანოს სახით. უსაფრთხოების მუდმივი უზრუნველყოფისთვის საჭიროა „ჰამასის“ დაშლა. ერთადერთი გზა, რომ განსხვავებული მომავალი გქონდეთ, არის ამ ნეონაცისტური არმიის მოცილება. „ჰამასი“ მონსტრია“, - განაცხადა მან.