პაკისტანის უსაფრთხოების ძალებში აცხადებენ, რომ 33 მებრძოლი მოკლეს, რომელიც ავღანეთიდან ქვეყანაში შესვლას ცდილობდა.

მათივე ცნობით, სავარაუდოდ, მებრძოლები „ინდოეთის მიერ იყვნენ დაფინანსებული“.

უსაფრთხოების ძალების განცხადებით, თავდამსხმელების განეიტრალება, რომლებსაც თან იარაღი, საბრძოლო მასალა და ასაფეთქებელი ნივთიერებები ჰქონდათ, დროულად შეძლეს.

ოფიციალური დელი მებრძოლების მხარდაჭერის ფაქტს უარყოფს.

ცნობისთვის, პაკისტანი და ინდოეთი, ბირთვული იარაღის მქონე სახელმწიფოები არიან, რომელთა ტერიტორიული კონფლიქტიც ათწლეულებს ითვლის.

ისინი ერთმანეთს ხშირად ადანაშაულებენ მეამბოხეების მხარდაჭერაში.