რუსებმა ხარკოვს დაარტყეს, დაიღუპა 3 ადამიანი და დაშავდა 17
უკრაინის ქალაქ ხარკოვში, რუსეთის მიერ დრონებით განხორციელებული თავდასხმის შედეგად სამი ადამიანი, მათ შორის ერთი ბავშვი დაიღუპა, - ინფორმაციას უკრაინული მედია ავრცელებს.
მათივე ინფორმაციით, დაშავებულია 17 ადამიანი, მათ შორის 6 ბავშვი.
ხარკოვის მერის, იგორ ტერეხოვის განცხადებით, რუსებმა დარტყმა ერთ-ერთ საცხოვრებელ კორპუსს მიაყენეს, სადაც ხანძარი გაჩნდა.
არსებობს საფრთხე, რომ ნანგრევების ქვეშ ადამიანები იყვნენ მოყოლილი. სამაშველო ოპერაცია გრძელდება.
