აშშ-ის პრეზიდენტმა დონალდ ტრამპმა განაცხადა, რომ აშშ უკრაინას „ძალიან კარგ დაცვას“ მისცემს.

კერძოდ, ტრამპს თეთრ სახლში უკრაინის პრეზიდენტ ვოლოდიმირ ზელენსკისთან შეხვედრამდე ჰკითხეს სამშვიდობო შეთანხმების ფარგლებში უკრაინისთვის უსაფრთხოების გარანტიების და ნატო-ს მსგავსი დაცვის მიცემის შესახებ.

აშშ-ის პრეზიდენტი ამბობს, რომ ეს საკითხი ჯერ არ განხილულა, მაგრამ კიევს „ჩვენ ძალიან კარგ დაცვას და ძალიან კარგ უსაფრთხოებას მივცემთ“.