კრემლში აცხადებენ, რომ ვლადიმერ პუტინმა დონალდ ტრამპთან სატელეფონო საუბრისას „მხარი დაუჭირა რუსეთისა და უკრაინის დელეგაციებს შორის პირდაპირ მოლაპარაკებებს“
აშშ-ის პრეზიდენტმა დონალდ ტრამპმა და რუსეთის პრეზიდენტმა ვლადიმერ პუტინმა „გულწრფელი და ძალიან კონსტრუქციული სატელეფონო საუბარი“ გამართეს, - განაცხადა კრემლის ერთ-ერთმა მაღალჩინოსანმა.
პუტინის საგარეო პოლიტიკის საკითხებში თანაშემწემ იური უშაკოვმა აღნიშნა, რომ დაახლოებით 40-წუთიანი სატელეფონო საუბრის დროს ტრამპმა პუტინს ევროპელ ლიდერებთან მოლაპარაკებების შესახებ აცნობა.
მისი თქმით, რუსეთის ლიდერმა „მხარი დაუჭირა რუსეთისა და უკრაინის დელეგაციებს შორის პირდაპირ მოლაპარაკებებს“.
CNN-ი წერს, რომ მან თავი აარიდა იმის დადასტურებას, დათანხმდა თუ არა პუტინი ორმხრივ თუ სამმხრივ შეხვედრას.
უშაკოვის თქმით, პუტინმა ასევე კიდევ ერთხელ მადლობა გადაუხადა ტრამპს ალასკაში მასპინძლობისთვის.
