“მსურველთა კოალიციის” ლიდერებმა რუსეთის წინააღმდეგ სანქციები განიხილეს. ამის შესახებ განცხადებას დიდი ბრიტანეთის პრემიერ-მინისტრის ადმინისტრაცია “მსურველთა კოალიციის” ლიდერების შეხვედრის შემდეგ ავრცელებს.

“პრემიერ-მინისტრი დილით “მსურველთა კოალიციის” შეხვედრას თანათავმჯდომარეობდა, 30-ზე მეტ ლიდერთან ერთად, რათა გასულ ღამეს ვაშინგტონში გამართულ მოლაპარაკებებზე ახალი ინფორმაცია მიეწოდებინა.

პრემიერ-მინისტრმა ვაშინგტონში კონსტრუქციული შეხვედრის აღნიშვნით დაიწყო და განაცხადა, რომ აშკარად იყო ერთიანობის რეალური შეგრძნება და უკრაინისთვის სამართლიანი და მყარი მშვიდობის მიღწევის საერთო მიზანი.

შემდეგ ნაბიჯებზე საუბრისას, პრემიერ-მინისტრმა აღნიშნა, რომ “მსურველთა კოალიციის” გუნდები მომდევნო დღეებში თავის ამერიკელ კოლეგებს შეხვდებიან, რათა კიდევ უფრო გააძლიერონ უსაფრთხოების მყარი გარანტიების უზრუნველყოფის გეგმები და მოემზადონ გარანტორი ძალების განლაგებისთვის, თუ საომარი მოქმედებები დასრულდება.

ლიდერებმა ასევე განიხილეს პუტინზე როგორ შეიძლება შემდგომი ზეწოლის მოხდენა - მათ შორის სანქციების მეშვეობით - სანამ ის არ აჩვენებს, რომ თავისი უკანონო შეჭრის დასასრულებლად სერიოზული ქმედებებისთვის მზად არის”, - ნათქვამია განცხადებაში.