აღმოსავლეთ პოლონეთში დაუდგენელი ობიექტის ჩამოვარდნისა და აფეთქების შედეგად საცხოვრებელი სახლები დაზიანდა, - ამის შესახებ ინფორმაციას პოლონური მედია ავრცელებს.

პოლონური გამოცემა PAP-ის ცნობით, დაუდგენელი ობიექტი ლუბლინის სავოევოდოში მდებარე სოფელ ოსინიში, ერთ-ერთ სიმინდის ყანაში ჩამოვარდა.

პოლიციაში განაცხადეს, რომ შესაბამისი სამსახურები ცდილობენ დაადგინონ, თუ რა ტიპის ობიექტი ჩამოვარდა.

ობიექტის ჩამოვარდნის ადგილას პოლიციელებმა დამწვარი ლითონისა და პლასტმასის ნარჩენები იპოვეს.

დაუდგენელი ობიექტის აფეთქების შედეგად რამდენიმე საცხოვრებელი სახლის ფანჯარა ჩაიმსხვრა, თუმცა არავინ დაშავებულა.