გერმანიის კანცლერმა ფრიდრიხ მერცმა განაცხადა, რომ ინტენსიური დიპლომატიური ინიციატივების მეშვეობით ხორციელდება ძალისხმევა ომის რაც შეიძლება სწრაფად დასასრულებლად, მაგრამ ეს არ შეიძლება იყოს „უკრაინის კაპიტულაციის ფასად“, რადგან რუსეთი ამ შემთხვევაში უბრალოდ ხვალ სხვა ქვეყანას დაესხმება თავს.

ამასთამ მერცმა არ გამორიცხა, რომ ომი შესაძლოა დიდხანს გაგრძელდეს.

„ჩვენ ვცდილობთ, ის რაც შეიძლება სწრაფად დავასრულოთ, მაგრამ რა თქმა უნდა, არა უკრაინის კაპიტულაციის ფასად“, - განაცხადა მერცმა.

მერცის თქმით, ომი შეიძლება ხვალ დასრულდეს, თუ უკრაინა კაპიტულაციას გამოაცხადებს, დანებდება და ქვეყანა დამოუკიდებლობას დაკარგავს.

"ამ შემთხვევაში, ხვალ დადგება სხვა ქვეყნის ჯერი. ხოლო შემდეგ, ზეგ ეს ჩვენ ვიქნებით. ეს არ არის ვარიანტი", - განაცხადა მერცმა.