იური უშაკოვი აცხადებს, რომ რუსეთისა და აშშ-ის პრეზიდენტებს შორის პუტინისა და ზელენსკის შეხვედრის შესახებ შეთანხმება არ ყოფილა
რუსეთისა და აშშ-ის პრეზიდენტებს შორის, პუტინისა და ზელენსკის შეხვედრის შესახებ შეთანხმება არ ყოფილა, - ამის შესახებ საგარეო პოლიტიკის საკითხებში რუსეთის პრეზიდენტის თანაშემწემ, იური უშაკოვმა განაცხადა.
„პრესაში გავრცელებული ინფორმაცია ზუსტად არ შეესაბამება იმას, რაზეც იქ შეთანხმდნენ. ყველა სამმხრივ შეხვედრაზე, პუტინსა და ზელენსკის შორის შეხვედრაზე საუბრობს, მაგრამ რამდენადაც მე ვიცი, პუტინსა და ტრამპს შორის ამ საკითხზე შეთანხმება არ ყოფილა“, - განაცხადა უშაკოვმა.
მისი თქმით, ალასკაზე აშშ-ისა და რუსეთის პრეზიდენტების, დონალდ ტრამპისა და ვლადიმერ პუტინის შეხვედრის საფუძველი რუსეთში დონალდ ტრამპის სპეციალური წარმომადგენლის, სტივ უიტკოფის ვიზიტები იყო.
„ანკორიჯში ბევრი შეთანხმება იქნა მიღწეული. როგორც მე ვიცი, ჩვენც და ამერიკული მხარეც ამ შეთანხმებების გამოყენებით ვაგრძელებთ მუშაობას, მათ შორის სხვა ლიდერებთან კონტაქტების დროს“, - აღნიშნა რუსეთის პრეზიდენტის თანაშემწემ.
