ლისაბონში, ფუნიკულიორის ტრამვაის ვაგონი რელსებიდან გადავიდა, რის შედეგადაც, სულ მცირე, 3 ადამიანი დაიღუპა, - ამის შესახებ ინფორმაციას BBC-ი ავრცელებს.

საგანგებო სიტუაციების სამსახურის ცნობით, ლისაბონის ისტორიულ ფუნიკულიორ „გლორიაზე“ მომხდარი ავარიის შედეგად, სულ მცირე 3 ადამიანი დაიღუპა და 20 დაშავდა.

პორტუგალიის სამოქალაქო დაცვის სამსახურის განცხადებით, დაშავებულთაგან ორის მდგომარეობა კრიტიკულია, ხოლო რამდენიმე ადამიანი ვაგონშია ჩარჩენილი.

ადგილობრივი მედიის ინფორმაციით, ფუნიკულიორის მარშრუტზე სადენი მოწყდა, ვაგონი რელსებიდან გადავიდა და ახლომდებარე შენობას შეეჯახა.