ისრაელი აცხადებს, რომ ღაზის 40%-ს აკონტროლებს
ისრაელი ქალაქ ღაზის 40%-ს აკონტროლებს, - ამის შესახებ ისრაელის თავდაცვის ძალების პრესსპიკერმა განაცხადა.
„ჩვენ „ჰამასის“ ინფრასტრუქტურისთვის ზიანის მიყენებას ვაგრძელებთ. დღევანდელი მდგომარეობით ქალაქ ღაზის 40%-ს ვაკონტროლებთ“, - განაცხადა ისრაელის თავდაცვის ძალების პრესსპიკერმა, ეფი დეფრინმა.
მისი თქმით, „უახლოეს დღეებში ოპერაცია გაფართოვდება და გაძლიერდება“.
„ჩვენ „ჰამასის“ დევნას ყველგან გავაგრძელებთ“, - აღნიშნა ისრაელის თავდაცვის ძალების პრესსპიკერმა.
